NEDERDUITSE GEREFORMEERDE

KERK

Townsview

KLEINGROEPBYEENKOMS

14 Maart 2010

Onthou asseblief ...

Onthou asseblief dat ons belangrikste fokus by ’n kleingroepbyeenkoms koinonia is. 

Ons gesels ook oor die “applikasie” van wat ons die afgelope tyd (veral vandag) in die erediens gehoor het.

Gesels asseblief na aanleiding van die volgende riglyn:

·        Hoe gaan dit?  Wat het in elkeen se lewe gebeur sedert ons mekaar laas gesien het?  Deel mekaar se lief en leed.  Indien dit sou gebeur dat daar so ’n groot gebeurtenis was in een lid se lewe dat ons die hele tyd daaroor gesels, is dit ook reg so en is ons byeenkoms geslaagd.

·        Lees Markus 14:26-31; 66-72.  [Dit is goed om uit ’n ander vertaling te lees as wat ons ken.  Gebruik so 3 verskillende vertalings waaronder die “Ou Vertaling”, ’n Engelse vertaling en dalk die “Nuwe Lewende Vertaling”.  Daar is ook nog ander nuttige vertalings soos “Die Boodskap” en “The Message”.] 

·        Wat sien ons van God in hierdie Skrifgedeelte?  Hoe is God?  Wat doen Hy?  Wat doen God nie?  Wat kan ons van Hom verwag? 

·        Hoe het die mense (veral Petrus) waarvan ons hier lees gereageer op die Here?

·        Hoe gaan ons prakties uitvoering gee aan dit wat ons in die Bybel gelees het?  In watter opsigte is dit nodig dat ons ons optrede of gedrag verander? 

·        Hoe gaan ons mekaar help om uitvoering te gee aan die aanspraak wat die Here op ons lewens maak?

·        Bid vir mekaar soos julle daarmee gemaklik is.

Ons volgende byeenkoms is op 18 April.  Dit is by

............................................................. se huis.  Hul telefoonnommer is .................................... en ons sien mekaar om ..................