BYBELLEES
BYBELLEES
1 – 15 Augustus 2009
DAG 1:
Lees Gen 12:1-2
Dink
na: Dis waar ons begin het
– die Here roep Abram om weg te trek van sy land en sy familie af.
Het hy dit gedoen presies soos die Here hom gesê het?
Lees vers 4-5. As dit die Here se opdrag was om weg te trek van sy mense af,
wat maak sy broerskind Lot dan saam met hom?
Gebed:
Here, gee dat ons goed sal luister en 100% toegewyd en gehoorsaam aan U sal leef. Dankie, Heilige Gees, dat
U ons lei.
DAG
2:
Lees Gen 13:1-7
Dink
na: Hier kry ons dit –
‘n gestryery ontstaan tussen Abram se veewagters en Lot se s’n, want Lot
moes eintlik nie saamgegaan het nie. So
kry ons soms ook moeilikheid omdat ons nie luister nie.
Gebed:
Hemelse Vader, bewaar ons daarvan dat ons die lewe vir onsself moeilik maak
omdat ons nie aan U gehoorsaam is nie.
DAG 3:
Lees Gen 15:2-5
Dink
na: Abram kry moeilik om te
glo dat die Here sy belofte sal hou. Abram
gee moed op, maar die Here gee nie moed op met Abram nie.
Hy gaan wys hom die sterre en herhaal sy belofte.
Gebed:
Troue Here van my lewe, baie dankie dat U nie moed opgee met my as ek so aan U
twyfel nie.
DAG 4:
Lees Gen 16:1-2; 15-16
Dink
na: Die “gelowige” Abram
maak toe maar sy eie plan saam met sy vrou, Sarai, want hulle kan nou eenmaal
nie meer wag nie. Dis immers al 11
jaar gelede dat die Here aan Abram ‘n kind belowe het en niks gebeur nie.
Gebed:
Ai, Here, ons wag so moeilik. Ons
is soms so haastig en dink dan U het vergeet.
Help ons om op U te wag – al vat dit langer as wat ons gedink het.
DAG 5:
Lees Gen 18:1-2; 10-14
Dink
na: Hierdie keer stuur die
Here drie manne om met Abraham en Sara te praat.
Vir mense lyk dinge soms onmoontlik, maar vir die Here is niks onmoontlik
nie.
Gebed:
Here, bewaar ons daarvan dat ons ooit “klein” oor U sal dink – selfs al
verstaan ons nie.
DAG 6:
Lees Gen 21:1-5
Dink
na: Abraham was al 100 jaar
oud toe Isak gebore is – die Here kom sy beloftes na, al moes hulle 25 jaar
wag.
Gebed:
Dankie dat U U beloftes nakom. Dankie
dat U getrou bly. Dankie dat U ons
nooit vergeet of in die steek laat nie.
DAG 7:
Lees Gen 22:1-8
Dink
na: Abraham het seker gedink
die Here is nie ernstig nie. Gelukkig
vra die Here nie vandag aan ouers om hul kinders te offer nie.
Ouers doen dit ongelukkig soms self deur hul kinders op te offer vir geld
en goed, want soms gee ouers meer tyd en aandag daaraan as aan hul kinders.
Hoe is dit met julle gesin?
Gebed:
Hemelse Vader, dankie vir ‘n gesin. Bewaar
ons daarvan dat ons meer aandag sal gee aan allerhande ander dinge en dan mekaar
afskeep.
DAG 8:
Lees Gen 22:9-14
Dink
na: Abraham het tot ‘n
wonderlike insig gekom waarmee hy sy seun se vraag kon antwoord – die Here
voorsien. Hoe help julle as gesin
dat ander mense kan ervaar dat die Here voorsien, want Hy wil dit deur ons doen?
Gebed:
Hemelse Vader dankie dat U voorsien. Ons
is so dankbaar vir alles waarin U vir ons voorsien.
Dankie dat U ons so bederf, want ons besef dat ons nie verdien dat U so
aan ons voorsien nie.
DAG 6:
Lees Gen 24:50-61
Dink
na: Laban sien ook in dat
God die slaaf gelei het en dat die Here besig is om Sy plan uit te voer. Selfs Rebekka stem in om saam met hierdie vreemde man te gaan,
want die Here is aan die werk.
Gebed:
Here, bewaar ons daarvan dat ons ooit in die pad sal staan van U werk.
Gee dat ons U altyd sal eer en gehoorsaam volg.
DAG 7:
Lees Gen 24:62-67
Dink
na: Dis duidelik dat Isak
ook raakgesien het dat die Here aan hom ‘n vrou voorsien het.
Hy het met haar getrou en haar liefgehad.
Gebed:
Hemelse Vader, dankie dat U ook aan ons geluk en vreugde op aarde gee.
